გიორგი მარგველაშვილმა და სერჟ სარგსიანმა დელეგაციების თანხლებით გაფართოებული შეხვედრა გამართეს

სერჟ სარგსიანის ოფიციალური ვიზიტის ფარგლებში პრეზიდენტის სასახლეში საქართველოსა და სომხეთის დელეგაციებს შორის ორმხრივი შეხვედრა გაიმართა.

პრეზიდენტის პრესსამსახურის ინფორმაციით, პრეზიდენტებმა, დელეგაციებთან ერთად, ეკონომიკური თანამშრომლობისა და სავაჭრო ურთიერთობების საკითხებზე იმსჯელეს. აღინიშნა წინსვლა ვაჭრობისა და ტურიზმის მიმართულებით. მიმდინარე წლის მონაცემებით, ტვირთბრუნვა გაზრდილია 24%-ით, ვიზიტორთა რაოდენობა კი 18.5%-ით, თუმცა, ნამდვილად არ არის შესაძლებლობების მაქსიმუმი და დელეგაციები თანამშრომლობის გაღრმავების კონკრეტულ ნაბიჯებზე შეთანხმდნენ.

დელეგაციებს შორის შეხვედრისას საუბარი შეეხო, მჭიდრო თანამშრომლობის გაგრძელებას ენერგეტიკისა და ბიზნესის სფეროებში და კულტურისა და განათლების მიმართულებით ურთიერთობების კიდევ უფრო გააქტიურების საკითხს.

როგორც აღინიშნა, საქართველო მზადაა, საკუთარი გამოცდილება გაუზიაროს სომხეთს ევროკავშირთან ურთიერთობის საკითხებთან დაკავშირებით, რადგან, როგორც ცნობილია, სომხეთსა და ევროკავშირს შორის ყოვლისმომცველი პარტნიორობის შესახებ ხელშეკრულებაზე შეთანხმება გაფორმდა.

შეხვედრას ესწრებოდნენ საქართველოს პირველი ვიცეპრემიერი, ეკონომიკისა და მდგრადი განვითარების მინისტრი დიმიტრი ქუმსიშვილი, საგარეო საქმეთა მინისტრი მიხეილ ჯანელიძე, საქართველოს პრეზიდენტის ადმინისტრაციის უფროსი გიორგი აბაშიშვილი, ფინანსთა მინისტრის პირველი მოადგილე გიორგი თაბუაშვილი, ეროვნული უშიშროების საბჭოს მდივნის მოადგილე ალექსანდრე ბარბაქაძე, პრეზიდენტის საერთაშორისო მდივანი თენგიზ ფხალაძე, საგანგებო და სრულუფლებიანი ელჩი სომხეთის რესპუბლიკაში გიორგი საგანელიძე.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს