სახელმწიფო უსაფრთხოების სამსახურში ბრიფინგი დაინიშნა. როგორც „ინტერპრესნიუსს“ უწყებიდან აცნობეს, ბრიფინგი 12:00 საათზე დაიწყება.
სუს-ში განცხადება კონტრტერორისტული დეპარტამენტის მიერ, სავარაუდოდ, პანკისის ხეობაში ჩატარებული სპეცოპერაციის შესახებ გაკეთდება.
პანკისის ხეობაში სპეცოპერაცია დღეს დილიდან, რამდენიმე საათის განმავლობაში მიმდინარეობდა. არსებული ინფორმაციით, ის თბილისში ჩატარებულ სპეცოპერაციას უკავშირდებოდა. სავარაუდოდ, აყვანილია ახმეტ ჩატაევთან კავშირში მყოფი 3 პირი. ამასთან, გავრცელებული ინფორმაციით, სპეცოპერაციისას დაიჭრა ერთი ადამიანი.