იმერეთის მხარესა და ჩინეთის ძიანსის პროვინციას შორის ურთიერთთანამშრომლობის მემორანდუმი გაფორმდა.
მემორანდუმი სხვადასხვა სფეროში თანამშრომლობას და გამოცდილების გაზიარებას ითვალისწინებს.
ჩინეთის დელეგაციას ძიანსის პროვინციის ვიცე გუბერნატორი, სიე ჟუ ხელმძღვანელობდა, რომელმაც იმერეთის გუბერნატორთან გივი ჭიჭინაძესთან ერთად მხარეებს შორის მეგობრულ ურთიერთობაზე ისაუბრა.
იმერეთის მხარესა და ძიანსის პროვინციას შორის ხელშეკრულების გაფორმება იმერეთის გუბერნატორის ჩინეთში ვიზიტის დროს დაიგეგმა. გივი ჭიჭინაძე ძიანსის პროვინციაში საქართველოს საპარტნიორო ფონდის ეგიდით იმყოფებოდა. ძიანსის პროვინცია მე – 13 ადგილზეა ჩინეთის პროვინციებს შორის და მისი მოსახლეობა 45 მილიონამდეა.