2017 წლის განმავლობაში ენერგოომბუდსმენის აპარატში შესული განცხადებების რაოდენობამ 4 333 შეადგინა. ენერგოომბუდსმენმა სალომე ვარდიაშვილმა 2017 წლის შემაჯამებელი სტატისტიკა წარმოადგინა. სტატისტიკის მიხედვით, ენერგოომბუდსმენის აპარატში მოქალაქეთა მიმართვიანობის მაჩვენებელი გაზრდილია. მისი ინფორმაციით, მაჩვენებლის ზრდა ერთის მხრივ მოქალაქეთა სამომხმარებლო ცოდნის ამაღლებას, ხოლო მეორეს მხრივ სისტემაში არსებულ პრობლემებს მიანიშნებს.

ენერგოომბუდსმენის ინფორმაციით, კონსულტაციებისთვის აპარატს 8 474 მოქალაქემ მიმართა, ხოლო ელექტრონულ ფოსტასა და სოციალურ ქსელში 1 758 მოქალაქემ. ენერგოომბუდსმენის ინფორმაციით, განცხადებათა რაოდენობა კომპანიების მიხედვით შემდენაირად გადანაწილდა: სს „თელასი“ – 832; სს „ენერგო-პრო ჯორჯია“ – 450; შპს „ყაზტრანსგაზ თბილისი“ – 132; შპს „სოკარ ჯორჯია გაზი“ – 1 163; სს „საქორგგაზი“ – 16; შპს „ვისოლ-გაზი“ - 14; შპს „ყამარ გაზი“ - 1; შპს „ტაბა“ - 16; შპს „ჯორჯიან უოთერ ენდ ფაუერი“ - 972; შპს „საქართველოს გაერთიანებული წყალმომარაგება“ - 102; შპს „მცხეთის წყალი“ – 168; შპს „რუსთავის წყალი“ - 454;

შპს „ბათუმის წყალი“ - 22.