თურქეთის პოლიციამ „ისლამური სახელმწიფოს“ 12 ტერორისტი დააკავა

თურქეთის პოლიციამ ტერორისტული დაჯგუფება „ისლამური სახელმწიფოს“ 12 წევრი დააკავა. როგორც თურქული გამოცემა Sabah იუწყება, დაკავებულები ახალი წლის დღესასწაულებზე ტერაქტების განხორციელებას გეგმავდნენ.

არსებული ინფორმაციით, ექსტრემისტები ქალაქ ადანაში, სპეცოპერაციის ფარგლებში დააკავეს. დაკავებულებიდან ორი სირიის მოქალაქეა.

აღსანიშნავია, რომ 1-ელ დეკემბერს სტამბოლში „ისლამურ სახელმწიფოსთან“ კავშირების გამო 60 ადამიანი დააკავეს.