ბოლო დღეების განმავლობაში მოსული უხვი ნალექის შედეგად, რაჭისა და ლეჩხუმის რამდენიმე სოფელში მეწყრული პროცესები გააქტიურდა. როგორც „ინტერპრესნიუსს“ რაჭა-ლეჩხუმ, ქვემო სვანეთის გუბერნატორმა არჩილ ჯაფარიძემ განუცხადა შედარებით რთული მდგომარეობა დაფიქსირდა სოფლებში: ჩხუტელში,ზარაგულასა და მახაშში.
„უამინდობის მიუხედავად აქტიურად მიმდინარეობს გზების გაწმენდითი სამუშაოები. მუნიციპალიტეტებში შექმნილია სამუშაო ჯგუფები და მობილიზებულია მძიმე ტექნიკა. ამ დროისთვის პრობლემურად რჩება ქ. ამბროლაურის შემოსასვლელი, თუმცა დღის ბოლომდე ჩატარდება შესაბამისი სამუშაოები და აღნიშნული მონაკვეთიც გაიწმინდება“, - განაცხადა არჩილ ჯაფარიძემ.