ავღანეთში ავიადარტყმის შედეგად „ისლამური სახელმწიფოს“ 11 მებრძოლია ლიკვიდირებული
ავღანეთის აღმოსავლეთში მდებარე ნანგარჰარის პროვინციაში, ქვეყნის სამხედრო საჰაერო ძალების ავიადარტყმის შედეგად „ისლამური სახელმწიფოს“ 11 მებრძოლია ლიკვიდირებული. ამის შესახებ ავღანეთის თავდაცვის სამინისტრო იუწყება.
„დღეს დილით „ისლამური სახელმწიფოს“ 11 ტერორისტის ლიკვიდაცია მოხდა, მას შემდეგ რაც ავღანეთის სამხედრო საჰაერო ძალებმა აჩინის რაიონში მებრძოლების საიდუმლო სამალავებზე იერიში მიიტანეს“, - ნათქვამია სამინისტროს განცხადებაში.
საჰაერო ოპერაციის შედეგად ასევე განადგურებულია შეიარაღება და საბრძოლო მასალა.
