უნივერსიტეტებში არაგეგმიური შემოწმება იწყება

უნივერსიტეტებს, რომლებიც ავტორიზაციის პირობებს ვერ აკმაყოფილებენ, სტუდენტების მიღება აეკრძალებათ, - ამის შესახებ საქართველოს განათლების და მეცნიერების მინისტრმა მიხეილ ჩხენკელმა ტელეკომპანია „მაესტროს“ ეთერში განაცხადა.

მინისტრის ინფორმაციით, უნივერსიტეტების არაგეგმიური შემოწმება იწყება.

„ჩვენი სამინისტროს მთავარი საზრუნავი იქნება უმაღლესი სასწავლებლების ხარისხი. აქედან გამომდინარე, დაიწყება არაგეგმიური შემოწმება უნივერსიტეტების ხარისხთან მიმართებაში, ავტორიზაციის კუთხით. იმ უნივერსიტეტებს, რომლებიც ვერ აკმაყოფილებენ ავტორიზაციის პირობებს, შეუწყდებათ სტუდენტების მიღება.

საქმე იმაში გახლავთ, რომ სახელმწიფომ სიმართლე უნდა უთხრას ყველა ოჯახს, მშობლებს, აბიტურიენტებს“, - განაცხადა ჩხენკელმა.

მინისტრმა განმარტა, რომ უნივერსიტეტებს, რომლებიც სტანდარტს ვერ აკმაყოფილებენ, მიეცემათ საშუალება გამოასწორონ სიტუაცია, თუმცა, მისივე თქმით, იმ უნივერსიტეტებს, რომლებიც გამოსწორებას ვერ შეძლებენ, სტუდენტების მიღება აეკრძალებათ.

ალექსეი მალაშენკო - სირიაში ყველაფერი ისევ ისე იქნება, როგორც აქამდე იყო,  ბაშარ ასადის შესანარჩუნებლად მოსკოვს ანკარასთან და თეირანთან კომპრომისებზე წასვლა უწევს
ქართული პრესის მიმოხილვა 19.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
საქართველოს საგარეო პოლიტიკა - ნაბიჯები მომავლისკენ
BDO-მ მე-4 კატეგორიის კომპანიების მომსახურებისთვის სპეციალური გუნდი გამოყო
რა მავნე ნივთიერებები აღმოაჩინა ჰამბურგის ლაბორატორიამ საქართველოდან გაგზავნილი თუთუნის შემადგენლობაში