მიხეილ სააკაშვილი - უკრაინის უსაფრთხოების სამსახურის მიერ ჩემი გატაცებისთვის ევროპულ სასამართლოში კომპენსაციას მოვითხოვ

საქართველოს ყოფილი პრეზიდენტი მიხეილ სააკაშვილი მისი გატაცების გამო უკრაინის უსაფრთხოების სამსახურის წინააღმდეგ სარჩელის შეტანას აპირებს. ამის შესახებ მიხეილ სააკაშვილმა ჟურნალისტებს უკრაინის უსაფრთხოების სამსახურის შენობის წინ განუცხადა.

„ჩვენ ახლა ვამზადეთ სარჩელს უკრაინის უსაფრთხოების სამსახურის წინააღმდეგ ბანდიტიზმისთვის, თავდასხმასა და ადამიანის გატაცებისთვის. მათ მე გამიტაცეს. ეს ოფიციალურად დადასტურებულია“, - განაცხადა მიხეილ სააკაშვილმა.

სააკაშვილმა აღნიშნა, რომ ასევე აპირებს სარჩელის შეტანას ადამიანის უფლებათა ევროპულ სასამართლოში და მოითხოვს კომპენსაციას იმ ზიანისთვის, რომელიც მას ძალოვნებმა მიაყენეს.

„ჩვენ ასევე ვამზადებთ სარჩელს ადამიანის უფლებათა ევროპულ სასამართლოში. მე მოვითხოვ კომპენსაციას გატაცებისთვის. როდესაც უკრაინაში ხელისუფლება შეიცვლება, თითოეული მათგანი პასუხს აგებს არა მხოლოდ იმისთვის, რაც ჩემთან მიმართებაში ჩაიდინეს, არამედ იმისთვისაც, თუ რას უკეთებენ უკრაინელ მოქალაქეებს ყოველდღიურად“, - დასძინა მიხეილ სააკაშვილმა.

რამაზ საყვარელიძე - ქართულ პოლიტიკაში უშინაარსობა უნდა დამთავრდეს, თორემ ერთფეროვნებაში, როცა არც პურია და არც სანახაობა, კიდევ უფრო გაიზრდება პოლიტიკური ნიჰილიზმი
ქართული პრესის მიმოხილვა 21.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
გერმანიის ფრეზენიუსის ინსტიტუტის ლაბორატორიის  დასკვნით მარნეულის სასურსათო ქარხნის წარმოების ტრადიციულ წითელ ტყემალში სუდანის ჯგუფის საღებავები არ აღმოჩნდა (R)
„ვისოლმა“ თვითმომსახურების პირველი ავტოგასამართი სადგური გახსნა