გრიგოლ რობაქიძის სახელობის უნივერსიტეტი წარმატებული საგანმანათლებლო პროექტებისთვის დაჯილდოვდა

კომპანია Business & Media Contact-მა სახელმწიფოსა და ბიზნესსექტორის ერთობლივი საქმიანობა შეაჯამა და ქვეყნის ეკონომიკის განვითარებაში შეტანილი წვლილისთვის ბიზნესფორუმის სერტიფიკატი და ფორუმის ექსკლუზიური ჯილდო გადასცა წარმატებულ დაწესებულებებსა და ბიზნესკომპანიებს, მათ შორის, გრიგოლ რობაქიძის სახელობის უნივერსიტეტს - განხორციელებული საგანმანათლებლო პროექტებისათვის.

როგორც „ინტერპრესნიუსს“ გრიგოლ რობაქიძის სახელობის უნივერსიტეტიდან აცნობეს, ყველა წარმოდგენილი მონაწილე-ნომინანტი შეირჩა როგორც საზოგადოებისთვის საინტერესო, მაღალი სტანდარტების მატარებელი დაწესებულება, რომელმაც წარმატებული პროექტებითა და სიახლეებით მნიშვნელოვანი წვლილი შეიტანა ამა თუ იმ სფეროს განვითარებაში.

დაჯილდოების ცერემონიალზე უნივერსიტეტის ბიზნესისა და მართვის სკოლის დეკანმა, პროფესორმა მურთაზ კვირკვაიამ მადლობა გადაუხადა ორგანიზატორებს მათი უნივერსიტეტის საქმიანობის მაღალი შეფასებისათვის, ისაუბრა სახელმწიფოსა და ბიზნესის თანამშრომლობის აუცილებლობის შესახებ და დაადასტურა, რომ გრიგოლ რობაქიძის უნივერსიტეტი არის ის საგანმანათლებლო დაწესებულება, რომელიც ორივე სეგმენტს - სახელმწიფოსა და ბიზნესს, უზრუნველყოფს კვალიფიციური კადრებით. გრიგოლ რობაქიძის სახელობის უნივერსიტეტი ბიზნესფორუმის მრავალგზის ნომინანტია, კომპანია მუდმივად აშუქებდა მის საქმიანობასა და საგანმანათლებლო პროექტებს.

ბიზნეს და სახელმწიფო პროექტების დაჯილდოების ცერემონიალზე მიწვეულნი იყვნენ წარმატებული სახელმწიფო კომპანიების, ბიზნესსექტორის, საერთაშორისო სავაჭრო პალატის, საგანმანათლებლო დაწესებულებების, დიპლომატიური კორპუსის წარმომადგენლები, ინვესტორები, საერთაშორისო იმპორტიორ-ექსპორტიორები.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 22.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
პრემიუმ ხარისხის მინების ყველაზე მსხვილი იმპორტიორი კომპანია „ჯეო გლასს“ საკუთარ მომხმარებლებს სიახლეს სთავაზობს
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს