ადამიანის უფლებათა დაცვის კომიტეტის წევრები სახალხო დამცველს ხვდებიან

პარლამენტის ადამიანის უფლებათა დაცვის კომიტეტის თავმჯდომარე და კომიტეტის წევრები სახალხო დამცველს ნინო ლომჯარიას და სახალხო დამცველის აპარატის წარმომადგენლებს ხვდებიან.

შეხვედრის მთავარი თემა თანამშრომლობის სამომავლო გეგმებია.

“ჩვენ ტრადიცია უნდა ჩავუყაროთ იმას, რასაც ადამიანის უფლებათა დაცვის კომიტეტისა და სახალხო დამცველის ძალიან მჭიდრო თანამშრომლობა ჰქვია. ქვეყნაში ადამიანის უფლებათა დაცვის კიდევ უფრო გამტკიცებისთვის ეს საქმეს მხოლოდ და მხოლოდ წაადგება. ჩვენ გავაკეთებთ შეთავაზებას, რომ შეიქმნას სპეციალური პლატფორმა. დარწმუნებული ვარ, სახალხო დამცველის აპარატი ამ შეთავაზებას მიიღებს. ჩვენი სურვილია, ერთად ვიშრომოთ ადამიანის უფლებების განმტკიცებისათვის“, - განუცხადა ჟურნალისტებს ადამიანის უფლებათა დაცვის კომიტეტის თავმჯდომარემ სოფო კილაძემ.