ბათუმის საქალაქო სასამართლოში, ირაკლი ჩხვირკიას და მერაბ ღოღობერიძის პროცესზე პროკურატურა დასკვნით სიტყვას წარმოთქვამს

ბათუმის საქალაქო სასამართლოში, 11-12 მარტს, ბათუმში გამართული აქციის ორგანიზებასა და ხელმძღვანელობაში ბრალდებულების ირაკლი ჩხვირკიას და მერაბ ღოღობერიძის სასამართლო პროცესზე პროკურატურა ამ წუთებში სასამართლოს წინაშე დასკვნით სიტყვას წარმოთქვამს.

სასამართლოს სხდომას განცხადების საფუძველზე ბრალდებული მერაბ ღოღობერიძე არ ესწრება.

როგორც პროკურორები დასკვნით სიტყვაში განმარტავენ, ირაკლი ჩხვირკია სამაუწყებლო კომპანიებს პირდაპირ ეთერში ულტიმატუმებით ჩაერთო და მოთხოვნები დააყენა. პროკურორების ინფორმაციით, ბრალდებული მერაბ ღოღობერიძე 11-12 მარტამდე აჭარის პოლიციის უფროსის თანადებობიდან გადადგომას ითხოვდა, იგი აქციის დროს მოწოდებებს აკეთებდა.

"სატელევიზო განცხადების შემდეგ ძალადობრივი ქმედებები დილის 06:00 საათზე გაგრძელდა. ძალადობრივი აქციის დროს სამართალდამცავებმა ფიზიკური დაზიანებები მიიღეს. ამასთან, აჭარის უმაღლესი საბჭოს დეპუტატი ირაკლი ჭეიშვილი დაზიანდა. რამდენიმე ავტომობილი დაიწვა და განადგურდ”,- აცხადებენ პროკურორები.

როგორც ბათუმის საქალაქო სასამართლოს მოსამართლემ, დავით მამისეიშვილმა განაცხადა, დასკვნით სიტყვას ხვალ ბრალდებულ ირაკლი ჩხვირკიას დაცვის მხარე წარმოთქვამს, ზეგ კი - მერაბ ღოღობერიძის ადვოკატები.

მერაბ ღოღობერიძისა და ირაკლი ჩხვირკიას საქმე განხილვა დაახლოებით 8 თვეა მიმდინარეობს. ამ დროის განმავლობაში მტკიცებულებების გამოკვლევა და მოწმეთა დაკითხვა მიმდინარეობდა. ბრალდებულებს გამოძიება 11-12 მარტს ბათუმში განვითარებული მოვლენების ორგანიზებას ედავება.

ვიქტორ ყიფიანი - გარე პროცესების გავლენათა მართვა ყველა ჩვენგანის თანამონაწილეობას და საზიარო პასუხისმგებლობას მოითხოვს
ქართული პრესის მიმოხილვა 25.09.2020
კახა კუკავა - 7 პრიორიტეტი გვაქვს, რაც ჩვენ საარჩევნო პროგრამაშია
ემილ ავდალიანი - ირანი და ჩინეთი 400 მილიარდი დოლარის შეთანხმებას ამზადებენ, თუ ეს მოხდა პერსპექტივაში ჩინური გავლენა ირანსა და ახლო აღმოსავლეთზე ხელშესახები გახდება
„თელიანი ველის“ გლეხური რქაწითელი ქვევრი დეკანტერის უმაღლესი ჯილდოს მფლობელია
წინანდლის კლასიკური მუსიკის რიგით მეორე ფესტივალი დასრულდა
მე-3 და მე-4 კატეგორიების საწარმოებისთვის
Samsung Galaxy S20 FE (Fan Edition) წინასწარი შეკვეთები უკვე დაიწყო