პარლამენტის ადამიანის უფლებათა დაცვის კომიტეტის თავმჯდომარის, სოფო კილაძის განცხადებით, მესტიაში მომხდარი მკვლელობა არის ჩვეულებრივი კრიმინალი, რომელსაც ადამიანის პოლიტიკურ აქტივობასთან არავითარი კავშირი არა აქვს.

“როგორც ვიცი, ეს ადამიანი თავის შვილს გადაეფარა. მოხდა ძალიან სამწუხარო ფაქტი. არა აქვს მნიშვნელობა, როგორი პოლიტიკური კუთვნილების იყო ეს ადამიანი. სამძიმარს ვუცხადებ ოჯახს. ასეთი კლიმინალი აზიანებს ზოგადად, ქვეყნაში სიმშვიდეს და როგორც ვნახეთ, კიდევ ერთი ადამიანი შეიწირა“, - აღნიშნა სოფო კილაძემ.

ლომარ ნიგურიანი, რომელიც მესტიის საკრებულოში “ნაციონალური მოძრაობის“ სიის პირველი ნომერი იყო, ცეცხლსასროლი იარაღით გუშინ მოკლეს.