ბათუმში საუკეთესო ღვინოების ავტორებს თერთმეტი ნომინაციის მიხედვით, სამი სინჯის მედლები გადასცეს

აჭარის უმაღლესი საბჭოს თავმჯდომარის მოადგილე მერაბ კარანაძემ, ასევე აგრარულ და გარემოს დაცვის საკითხთა კომისიის თავმჯდომარე ვახტანგ წულაძემ საუკეთესო ღვინოების ავტორებს თერთმეტი ნომინაციის მიხედვით, სამი სინჯის მედლები გადასცეს. ამის შესახებ ინფორმაციას აჭარის უმაღლესი საბჭო ავრცელებს.

გამარჯვებულებთა შორისაა უმაღლესი საბჭოს საზოგადოებასთან ურთიერთობის, საინფორმაციო ტექნოლოგიების და პროტოკოლის დეპარტამენტის სპეციალისტი (ქსელის ადმინისტრატორი) გიორგი დიასამიძე. მან ნომინაციაში „აღმოსავლეთის წითელი ღვინო” პირველი ადგილი - ოქროს მედალი დაიმსახურა.

წინასაახალწლო დღეებში ღვინის ფესტივალი ბათუმში, ევროპის მოედანზე აჭარის სოფლის მეურნეობის სამინისტროს ა(ა)იპ აგროსერვიცენტრის ორგანიზებით ჩატარდა.

27 დეკემბერს, აქვე გაიმართება ყველის ფესტივალი, სადაც საუკეთესო ყველის სამი სახეობა გამოვლინდება.

წარმოდგენილი იქნება ფერმერულ და კოოპერატიულ მეურნეობებში დამზადებული პროდუქცია, რომელსაც გამოცდილი სომელიეები და დეგუსტატორები შეაფასებენ.