ლილი გელაშვილი - ოთარ აბესაძეს აღენიშნება წინასაინფარქტო სიმპტომები

ოთარ აბესაძე ჩაფიძის კლინიკაში გულის შეტევის დიაგნოზითაა მოთავსებული, - ამის შესახებ „ინტერპრესნიუსს“ აბესაძის ადვოკატმა ლილი გელაშვილმა განუცხადა.

გელაშვილის ინფორმაციით, აბესაძე ამჟამად აპარატზეა შეერთებული და 24-საათიან დაკვირვებას საჭიროებს იმისთვის, რომ სხვა რაიმე მძიმე შედეგი გამოირიცხოს.

„სასამართლოშივე, როცა ცუდად გახდა, დეტალურად გამოსაკვლევად გაიყვანეს დარბაზიდან და სასწრაფოს ექიმმა კარდიოგრამაში დააფიქსირა სამი ისეთი ცდომილება, რის გამოც საბოლოო დასკვნას ხელი არ მოაწერა. გასინჯვის შემდეგ პირდაპირ წამოიყვანეს ჩაფიძის კლინიკაში, ვინაიდან ექიმმაც თქვა, რომ დეტალურ კვლევას საჭიროებდა. ახლა ველაპარაკე კლინიკის მთავარ ექიმს, რომელმაც თქვა, რომ საჭიროა 24-საათიანი დაკვირვება, რათა გამოირიცხოს ყველაფერი, ვინაიდან ეს სიმპტომები არის წინასაინფარქტო. ხვალ, ალბათ, უფრო დეტალური პასუხი გვეცოდინება“, - განაცხადა გელაშვილმა.