„ახალი თაობა დემოკრატიული საქართველოსთვის“ - მამუკა ტუსკაძის ბოლო დროს გაკეთებული არც ერთი განცხადება ორგანიზაციასთან შეთანხმებული არ ყოფილა

ორგანიზაცია „ახალი თაობა დემოკრატიული საქართველოსთვის“ მამუკა ტუსკაძის ბოლო დროს გაკეთებულ განცხადებებს ემიჯნება. სახელმწიფო შესყიდვების სააგენტოს ინფორმაციით, ამის შესახებ სახელმწიფო შესყიდვების სააგენტოს თავმჯდომარის ლევან რაზმაძის სახელზე გაგზავნილ ორგანიზაციის თავმჯდომარის, ნატალია ხოხიაშვილის წერილშია აღნიშნული. როგორც წერილშია ნათქვამი, ტუსკაძის ბოლო დროს გაკეთებული არც ერთი განცხადება არ ყოფილა შეთანხმებული ორგანიზაციასთან.

InterPressNews.Ge„მოგახსენებთ, რომ ჩვენს ორგანიზაციას შესყიდვების სააგენტოს დავების საბჭოში 2016 წლის თებერვლიდან წარმოადგენდა ბატონი მამუკა ტუსკაძე, მან დღეს გააკეთა განცხადება, რომ ტოვებს დავების საბჭოს. გთხოვთ, მოგვაწოდოთ ინფორმაცია მისი დავების საბჭოს სხდომაზე დასწრების შესახებ.

აქვე გვინდა აღვნიშნოთ, რომ მისი ბოლო დროს გაკეთებული არც ერთი განცხადება ორგანიზაციასთან შეთანხმებული არ ყოფილა“, - ნათქვამია ორგანიზაციის თავმჯდომარის ნატალია ხოხიაშვილის წერილში.

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 24.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა