ქუთაისში წლის მთავარი სპორტული ღონისძიება გაიმართა, სადაც სხვადასხვა ნომინაციაში გამარჯვებული გუნდები, მწვრთვნელები და სპორტსმენები დაჯილდოვდნენ. წარმატებული სპორტსმენები ქუთაისის ადგილობრივმა თვითმმართველობამ დააჯილდოვა.

სხვადასხვა ოლიმპიურ და საერთაშორისო ტურნირებში მონაწილეობისა და დამსახურების მიხედვით საუკეთესო სპორტსმენთა ათეული გამოვლინდა, ასევე დაასახელეს წარმატებული გუნდები. წლის სპორტსმენი მძლეოსანი შოთა მიშველაძე გახდა, ხოლო წლის გუნდი „ტორპედო ქუთაისი“.

ქუთაისში წლის მთავარი სპორტული ღონისძიება ტრადიციულად წინასაახალწლოდ იმართება.