ლევან გოგიჩაიშვილი - სპეცოპერაციებთან დაკავშირებით გასაჯაროვდება მხოლოდ იმ რაოდეობის ინფორმაცია, რაც სახელმწიფოს არ დააზარალებს

შესაძლოა არასამთავრობოებს აქვთ სურვილი, მოიპოვონ ინფორმაცია სპეცოპერაციებთან დაკავშირებით, მაგრამ მოიპოვებენ იმ რაოდენობის ინფორმაციას, რამდენსაც გამოძიება ჩათვლის საჭიროდ, - ამის შესახებ„პალიტრანიუსის“ გადაცემაში „360 გრადუსი“ საპარლამენტო უმრავლესობის წევრმა, ლევან გოგიჩაიშვილმა განაცხადა.

დეპუტატის თქმით, აღნიშნულთან დაკავშირებით გასაჯაროვდება მხოლოდ იმ რაოდეობის ინფორმაცია, რაც სახელმწიფოს არ დააზარალებს. „პალიტრანიუსის’ ეთერში საუბრისას მან იმედი გამოთქვა, რომ გამოძიება მალე მივა ლოგიკურ დასასრულამდე.

„შესაძლოა არასამთავრობოებს აქვთ სურვილი, მოიპოვონ ინფორმაცია სპეცოპერაციებთან დაკავშირებით, მაგრამ მოიპოვებენ იმ რაოდენობის ინფორმაციას, რამდენსაც გამოძიება ჩათვლის საჭიროდ. იმდენი ინფორმაცია იქნება გამოტანილი, რამდენიც არ მიაყენებს ზიანს ჩვენ სახელმწიფოს. ადრე თუ გვიან, ყველა კითხვას გაეცემა პასუხი, თუ როგორ გადმოკვეთეს საზღვარი, ვინ ეხმარებოდა და ა.შ. დარწმუნებული ვარ, რომ ეს საქმე ბოლომდე მივა და დღევანდელი სპეცოპერაციაც აჩვენებს იმას, რომ მარტო ერთი ჯგუფი არ იყო.

ხელისუფლების მთავარი ამოცანაა, დაიცვას და უზრუნველყოს თავისი თანამოქალაქეების უსაფრთხოება. დაველოდოთ და წინ ნუ გავუსწრებთ მოვლენებს, რადგან სახელმწიფო არის თვთდაჯერებული, სახელმწიფო მუშაობს და, შესაბამისად, დღევანდელი ოპერაციაც ამის გამოვლინებაა. ჩვენ ვიმოქმედებთ კანონის შესაბამისად“, - განაცხადა ლევან გოგიჩაიშვილმა.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 22.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
პრემიუმ ხარისხის მინების ყველაზე მსხვილი იმპორტიორი კომპანია „ჯეო გლასს“ საკუთარ მომხმარებლებს სიახლეს სთავაზობს
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს