ჯანდაცვის კომიტეტი დღეს ნარკოპოლიტიკის რეფორმასთან დაკავშირებულ საკანონმდებლო პაკეტს განიხილავს

პარლამენტის ჯანდაცვის კომიტეტი დღეს ნარკოპოლიტიკის რეფორმასთან დაკავშირებულ საკანონმდებლო პაკეტს განიხილავს.

საუბარია “სპეციალურ კონტროლს დაქვემდებარებული ნივთიერებების და ნარკოლოგიური დახმარების შესახებ“ კანონპროექტზე და მასთან დაკავშირებულ კანონებში ცვლილებებზე, რომელსაც ჯანდაცვის კომიტეტი პირველი მოსმენით იხილავს.

როგორც საკანონმდებლო პაკეტის ინიციატორები განმარტავენ, ცვლილებები მიზნად ისახავს ახალი ნარკოპოლიტიკის შემოღებას, რომლის ფარგლებშიც რეპრესიული სისხლისსამართლებრივი მექანიზმების ნაცვლად, აქცენტი მკურნალობაზე, რეაბილიტაციასა და პრევენციაზე ორიენტირებულ პროგრამებზე გაკეთდება.

კანონპროექტების ავტორია საქართველოს ნარკოპოლიტიკის ეროვნული პლატფორმა, ინიციატორები კი, პარლამენტის წევრები: აკაკი ზოიძე, ლევან კობერიძე, დიმიტრი ცქიტიშვილი, ირინე ფრუიძე და სოფიო ქაცარავა.

დიმიტრი შველიძე -  ხელისუფლების მთავარი თავის ტკივილი „ნაცმოძრაობაა“,  ამ ფონზე, მისთვის შეიძლება უფრო მისაღები იყოს „ევროპული საქართველო“
ქართული პრესის მიმოხილვა 13.08.2020
აგვისტოს ომიდან 12 წლის შემდეგაც საქართველო დგას რუსული აგრესიის წინაშე
Wolt და Mastercard ბათუმში გელიან!