ბორჯომის მუნიციპალიტეტმა 586 სოციალურად დაუცველ ოჯახს გათბობით უზრუნველყოფისთვის ფულადი დახმარება გაუწია

ბორჯომის მუნიციპალიტეტმა 586 სოციალურად დაუცველ ოჯახს გათბობით უზრუნველყოფისთვის ფულადი დახმარება გაუწია, - ამის შესახებ „ინტერპრესნიუსს“ ბორჯომის მუნიციპალიტეტიდან აცნობეს.

ბორჯომის მერის ლევან ლიპარტიას თქმით, 100-100 ლარი ბორჯომში მცხოვრებ ყველა იმ ოჯახს ჩაერიცხა, რომლებიც დარეგისტრირებულები არიან სოციალურად დაუცველი ოჯახების მონაცემთა ერთიან ბაზაში და უფიქსირდებათ 60 000 ან მასზე ნაკლები ქულა.

„ზამთრის სეზონზე მოსახლეობის დანახარჯი უფრო მეტია. ჩვენს მიერ გამოყოფილი თანხა მართალია მოკრძალებულია, თუმცა ვფიქრობთ, შეღავათი იქნება საშეშე მერქნის შესაძენის დროს, ასევე მოხმარებული ელექტროენერგიისა და ბუნებრივი აირის გადასახადის დაფარვისას. უახლოეს დღეებში ჩვენ საახალწლოდ მოქმედი სოციალური პროგრამის ფარგლებში 100 ლარით დავეხმარებით კიდევ 377 ოჯახს“, - აღნიშნა მერმა.

ინიციატივის განხორციელებისთვის ადგილობრივი მუნიციპალიტეტის ბიუჯეტიდან 58 600 ლარი გაიხარჯა. თანხა თითოეულ ბენეფიციარს პირად ანგარიშზე ჩაერიცხა. აღსანიშნავია, რომ ინიციატივა პირველი არ არის და ის მუნიციპალიტეტის მიერ ყოველწლიურად ხორციელდება.

რამაზ საყვარელიძე - არც ხელისუფლება ჰგავს პოლიტიკის დიდოსტატს და არც ოპოზიცია, ამიტომ არც ისე იწვიმებს, როგორც ისმის რევოლუციის ჭექა-ქუხილი
ქართული პრესის მიმოხილვა 05.12.2019
ვაჟა ბერიძე - მთავარი არა საარჩევნო სისტემაა, არამედ ჩვენი სტრატეგიული პარტნიორების და მეზობლების დამოკიდებულება ქვეყანაში მიმდინარე პროცესებისადმი
სამოქალაქო ავიაციის საერთაშორისო ორგანიზაცია (იკაო) 75 წლისაა
ახალი შესაძლებლობა საცალოდ ვაჭრობის სფეროთი დაინტერესებულთათვის - საქართველოში ორმაგი აკრედიტაციის მქონე პროგრამა იწყება
„ჯიპიაი ჰოლდინგი“ ჰოსპიტალური ბიზნესიდან გადის
გრძელვადიანი ბიუჯეტი – თბილისის მასშტაბური პროექტების დაცვა მმართველობის ცვლილებებისგან
2020 წელს საქართველოში ნარკოტიკზე, ალკოჰოლსა და აზარტულ თამაშებზე დამოკიდებულთათვის პირველი სარეაბილიტაციო სტაციონარის გახსნა იგეგმება
ენერგეტიკის გამოფენა და კონფერენცია “გლობალური ენერგეტიკული ტრენდები“ "ექსპოჯორჯიაში" გაიმართება
„ლექსუსი“ 2020 წლისთვის ქართველ მომხმარებელს განახლებულ Lexus GX460-ს სთავაზობს
"ლიბერთის" თანადგომა ბავშვთა სარეაბილიტაციო ცენტრ - ,,რეჰაბს“