აშშ-მა ჩრდილოეთ კორეის სამხედრო მრეწველობისა და „მუშათა პარტიის“ ცენტრალური კომიტეტის წარმომადგენლებს სანქციები დაუწესა

აშშ-მა ჩრდილოეთ კორეის სამხედრო მრეწველობისა და „მუშათა პარტიის“ ცენტრალური კომიტეტის წარმომადგენლებს სანქციები დაუწესა. ამის შესახებ ნათქვამია აშშ-ს ფინანსთა დეპარტამენტის მიერ გავრცელებულ განცხადებაში.

”შავ სიაში” მოხვდნენ სამხედრო მრეწველობის განყოფილების ხელმძღვანელის მოადგილე კიმ ჩენ სიკი და „მუშათა პარტიის“ ცენტრალური კომიტეტის ხელმძღვანელის პირველი მოადგილე ლი ფხიონ ჩხოლი.

სანქციების დაწესების მიზეზად დასახელებულია „ჩრდილოეთ კორეის მიერ მასობრივი განადგურების იარაღის შექმნის გაგრძელება ვადა გაერო-ს უშიშროების საბჭოს რეზოლუციების დარღვევა“.

აშშ-ის ფინანსთა დეპარტამენტის ინფორმაციით, კიმ ჩენ სიკი და ლი ფხიონ ჩხოლი „წამყვან როლს თამაშობენ შეიარაღების შექმნისა და განვითარების პროგრამის ხელმძღვანელობაში, რომელიც გაერო-ს უშიშროების საბჭოს რეზოლუციებს ეწინააღმდეგება“.

აღსანიშნავია, რომ „მუშათა პარტიის“ სამხედრო მრეწველობის განყოფილება პასუხისმგებელია ბალისტიკური რაკეტების შექმნის პროგრამის კონტროლზე.

სანქციების ქვეშ მოხვედრილ პირებს აეკრძალებათ აშშ-ის ტერიტორიაზე შესვლა, ხოლო მათი საბანკო ანგარიშები ამერიკულ ბანკებში გაყინული იქნება.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 21.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
სილქნეტი მედიასივრცეში გავრცელებულ ბოლოდროინდელ ბრალდებას ეხმიანება სატელეკომუნიკაციო ბაზარზე ოლიგოპოლიასთან დაკავშირებით