რეორგანიზაციის შედეგად, ქუთაისის მერიის კულტურის, განათლების, ძეგლთა დაცვის, სპორტისა და ახალგაზრდულ საქმეთა საქალაქო სამსახური გაუქმდა
როგორც „ინტერპრესნიუსს“ ქუთაისის მერიაში განუცხადეს, მის ნაცვლად ხუთკაციანი განყოფილება შეიქმნება, რომელიც აღნიშნულ საკითხებში ქალაქის მერს პოლიტიკას განუსაზღვრავს.
სამსახურის ფუნქციებს კი ქალაქში არსებული სახელოვნებო და სპორტის ა(ა)იპ- ები შეასრულებენ. რეორგანიზაციის ფარგლებში ასევე იქმნება კიდევ ერთი ახალი სამსახური, რომელიც არქიტექტურისა და ზედამხედველობის სამსახურის გაყოფით შეიქმნება.