თურქეთსა და რუსეთს შორის საზენიტო-სარაკეტო კომპლექს „С-400“-ების შეძენის შეთანხმების ღირებულებამ 2,5 მილიარდი დოლარი შეადგინა. ამის შესახებ გაზეთ „კომერსანტთან“ ინტერვიუში რუსული სახელმწიფო კორპორაცია „როსტეხ“-ის ხელმძღვანელმა სერგეი ჩემეზოვმა განაცხადა.
მისი თქმით, საუბარია ოთხი დივიზიონის შეძენაზე. ამასთან, თანხის დიდი ნაწილი - 55% - რუსული საკრედიტო სახსრებიდან დაიფარება. დარჩენილ 45%-ს ანკარა ავანსის სახით გადაიხდის.
„რუსეთის და თურქეთის იუსტიციის სამინისტროებმა მოლაპარაკებები უკვე დაასრულეს, მხოლოდ ფინალური დოკუმენტაციის შეთანხმება დაგვრჩა“, - განაცხადა სერგეი ჩემეზოვმა.
„С-400“-ების პირველ პარტიას თურქეთი 2020 წლის მარტში მიიღებს.