გეგუთის N14 პენიტენციურ დაწესებულებაში ეკლესია ამოქმედდა

სასჯელაღსრულების და პრობაციის სამინისტროს N14 პენიტენციურ დაწესებულებას ქუთათელ-გაენათელი მიტროპოლიტი კალისტრატე და სასჯელაღსრულებისა და პრობაციის მინისტრის მოადგილე ზვიად მიხანაშვილი ესტუმრნენ.

როგორც „ინტერპრესნიუსს“ სასჯელაღსრულების და პრობაციის სამინისტროდან აცნობეს, მეუფე კალისტრატემ დაწესებულების ტერიტორიაზე ახლადაშენებული წმინდა თამარ მეფის სახელობის ტაძარი აკურთხა და საღვთო ლიტურგია ჩაატარა.

მათივე ცნობით, ტაძარი მსჯავრდებულებისა და დაწესებულების თანამშრომლების მონაწილეობით აშენდა. მეუფე კალისტრატემ პატრიარქის ლოცვა-კურთხევით ტაძრის მშენებლობაში შეტანილი წვლილისთვის მათ საპატრიარქოს სიგელები, ასევე საპატრიარქოსგან საეკლესიო კალენდარი გადასცა.

სასჯელაღსრულებისა და პრობაციის მინისტრის მოადგილემ ზვიად მიხანაშვილმა მსჯავრდებულებსა და დაწესებულების თანამშრომლებს ტაძრის კურთხევა მიულოცა.

„გეგუთის N14 პენიტენციურ დაწესებულებაში თამარ მეფის სახელობის ეკლესია უწმინდესის ლოცვა-კურთხევით გაიხსნა. სიმბოლურია, რომ ტაძრის კურთხევა სრულიად საქართველოს კათოლიკოს პატრიარქის აღსაყდრების მე-40 წლისთავს დაემთხვა. მინდა, თითოეულ მსჯავრდებულს საკუთარ ოჯახში მალე დაბრუნება ვუსურვო“, - აღნიშნა ზვიად მიხანაშვილმა.

მეუფე კალისტრატემ დაწესებულებაში მყოფი ადამიანები დალოცა და აღნიშნა, რომ ეკლესიის მადლი ყველა იქ მყოფ ადამიანს შეეწევა. დაწესებულების ტერიტორიაზე ტაძრის მშენებლობას საფუძველი 2016 წელს ჩაეყარა. ეკლესია შემოწირულობით აშენდა. მშენებლობაში მონაწილეობა 100-მდე მსჯავრდებულმა მიიღო.

ვახტანგ ძაბირაძე - 30 წელზე მეტია, ჩვენთან ერთად თუ ვინმეა საქართველოს სუვერენიტეტის დამცველი, ჩვენი დასავლელი პარტნიორები არიან
ემილ ავდალიანი - ამიერიდან ირანი და ისრაელი მეტოქეობის განსხვავებულ ეტაპზე გადავიდნენ
ქართული პრესის მიმოხილვა 18.04.2024
კერძო ბიზნესის დახმარება რაიონის სკოლებს - „ნიკორა ჯგუფი“ განათლების მხარდაჭერას აგრძელებს
Hotsale.ge-მ „პრო ბონო მარათონი 2024“-ში მიიღო მონაწილეობა
კახა ოქრიაშვილი - საქართველოს მოსახლეობის 95% ევროპის გავლენის აგენტები ვხდებით!
საქართველოს ხელოვანები მიმდინარე პროცესებს ეხმიანებიან
Samsung Knox-მა 2024 წლის ტელევიზორებში უსაფრთხოების მაღალი სტანდარტების უზრუნველყოფისთვის CC სერტიფიკატი მიიღო