ადგილობრივების ინფორმაციით, ქუთაისში მშენებლობაზე ორი მუშის დაღუპვის მიზეზი, სავარაუდოდ, ბაგირის გაწყვეტა გახდა

ქუთაისში, აღმაშენებლის ქუჩაზე მაღალსართულიანი საცხოვრებელი კორპუსის მშენებლობის დროს დაღუპული მუშები პროზექტურაში გადაასვენეს.

ადგილობრივები უბედური შემთხვევის სავარაუდო მიზეზებზე საუბრობენ.

"სავარაუდოდ უბედური შემთხვევა ამწევი ბაგირის(ტროსის) გაწყვეტის გამო მოხდა, თუმცა, ადგილზე მოსულებს გვიჭირს იმის გარკვევა, თუ რა მოხდა რეალურად", - განუცხადა „ინტერპრესნიუსს“ აღმაშენებლის ქუჩაზე მცხოვრებმა დეა მანაგაძემ.

მშენებლობას კომპანია "იბერია სტარ გრუპი" აწარმოებს. შემთხვევის ადგილზე მიმდინარეობს საგამოძიებო მოქმედებები.

როგორც ცნობილია, უბედური შემთხვევის შედეგად ორი მუშა დღეს დაიღუპა.

მორიგი ტრაგიკული შემთხვევა მშენებლობაზე - ქუთაისში ორი მუშა დაიღუპა

ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
ქართული პრესის მიმოხილვა 20.08.2019
გავლენის ოპერაციები ანუ „მკვლელობათა ჯაჭვი“