ბათუმის 70-ე საარჩევნო ოლქის მაჟორიტარმა დეპუტატმა აჭარის უმაღლეს საბჭოში ნუგზარ სურმანიძემ და უმაღლესი საბჭოს ჯანმრთელობის დაცვისა და სოციალურ საკითხთა კომისიის აპარატის თანამშრომლებმა, საარჩევნო ოლქში მცხოვრებ სოციალურად დაუცველ ოჯახებსა და შშმ პირებს საშობაო-საახალწლო საჩუქრები მიუტანეს.
როგორც „ინტერპრესნიუსს“ უმაღლესი საბჭოდან აცნობეს, სხვადასხვა პროდუქტი და ტკბილეული სამაჟორიტარო ოლქში მცხოვრებ 8 ოჯახსა და შშმ პირს გადაეცა. ნუგზარ სურმანიძე მათ პრობლემებს ადგილზე გაეცნო და მოქალაქეებს კომპეტენციის ფარგლებში დახმარებას შეპირდა.