ბათუმში, პიროტექნიკის აფეთქების შედეგად დაშავებული 7 წლის ბიჭის ჯანმრთელობის მდგომარეობა სტაბილურია. როგორც ბათუმის დედათა და ბავშვთა სამედიცინო ცენტრში "ინტერპრესნიუსს" განუცხადეს, მოზარდს პიროტექნიკის აფეთქების შედეგად მარჯვენა ხელი დაუზიანდა და სამი თითი დაკარგა. კატასტროფის ბრიგადამ ბავშვი თბილისში, იაშვილის სახელობის კლინიკაში გადაიყვანა, სადაც ოპერაცია ჩაუტარდა.

"25 დეკემბერს, ბათუმიდან გადმოყვანილია კატასტროფის ბრიგადის მიერ 7 წლის ბიჭი, რომელსაც ჰქონდა მარჯვენა ხელი დაზიანებული. იაშვილის კლინიკაში ოპერაციული ჩარევა მოხდა. პაციენტი აგრძელებს მკურნალობას",- აცხადებენ კლინიკაში.