გია ვოლსკი - ფასების და გადასახადის ზრდა, რთულია ჩვენთვისაც კი, ვისაც სტაბილური ხელფასი გვაქვს

ფასების და გადასახადის ზრდა, რთულია ჩვენთვისაც კი, ვისაც ჯერჯერობით სტაბილური ხელფასი გვაქვს და წარმოუდგენლად ძნელი იქნება სხვა ბევრი ადამიანისათვის, - ასე გამოეხმაურა პარლამენტის ვიცე-სპიკერი გიორგი ვოლსკი ელექტროენერგიის ტარიფის მატებას.

ვოლსკის თქმით, სემეკ-ის გადაწყვეტილებებზე სახელმწიფოს გავლენა მინიმალურია.

„მძიმე ვითარებაა. საერთოდ ეს ფასების ზრდა, სოციალური გადასახადების ზრდა, რასაკვირველია, რთულია ხალხისთვის, ჩვენთვისაც კი, ვისაც ჯერჯერობით სტაბილური ხელფასი გვაქვს უახლოესი 3 წლის განმავლობაში. წარმოუდგენლად ძნელი იქნება სხვა ბევრი ადამიანისათვის. ძალიან ბევრი სოციალური პროგრამა მოქმედებს, სახელმწიფო პროგრამა და ამ მხრივ სახელმწიფომ რაც შეიძლება მეტი შეღავათი, მეტი დახმარება უნდა აღმოუჩინოს სოციალური პროექტების სახით. გავლენა სახელმწიფოსი სემეკ-ის გადაწყვეტილებებზე, რასაკვირველია, მინიმალურია. ოპოზიციას აქვს მოსაზრება, რომ მათ აქვთ პროგრამები, რომლებიც ეკონომიკას ააღორძინებს მოკლე პერიოდში, რაც სინამდვილეს არ შეესაბამება. რეალურად მსოფლიოში ვითარება საკმაოდ რთულია ისევე, როგორც ჩვენს რეგიონში“, - განაცხადა გია ვოლსკიმ.

სემეკ-ის გადაწყვეტილებით, „თელასის“ აბონენტებისთვის 2018 წლის 1-ელი იანვრიდან, როგორც საყოფაცხოვრებო, ისევე კომერციული ტარიფი 1,5 თეთრით გაიზრდება.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 22.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
პრემიუმ ხარისხის მინების ყველაზე მსხვილი იმპორტიორი კომპანია „ჯეო გლასს“ საკუთარ მომხმარებლებს სიახლეს სთავაზობს
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს