თემურ გორგაძე - გუდიაშვილის მოედნის რეაბილიტაცია ერთ-ერთი მასშტაბური პროექტია

თბილისის საკრებულოს კრწანისის რაიონის მაჟორიტარმა წევრმა თემურ გორგაძემ, რაიონის გამგებელთან ლევან ჯაფარიძესთან ერთად, მოსახლეობას დედაქალაქის ბიუჯეტით გათვალისწინებული პროექტები გააცნო, - ამის შესახებ „ინტერპრესნიუსს“ თბილისის საკრებულოდან აცნობეს.

დეპუტატის თქმით, თბილისის მთავარი საფინანსო დოკუმენტის თანახმად, 2018 წელს კრწანისში სხვადასხვა ინფრასტრუქტურული და სოციალური პროექტები განხორციელდება, მათ შორის, მოწესრიგდება გზები, წყალმომარაგება, გაგრძელდება სკვერებისა და სპორტული მოედნების მშენებლობა-რეაბილიტაცია.

მაჟორიტარმა განსაკუთრებული ყურადღება გუდიაშვილის მოედნის რეაბილიტაციასა და ზემო და ქვემო ფონიჭალის დამაკავშირებელი გზაგამტარის (გვირაბი) მშენებლობაზე გაამახვილა და აღნიშნა, რომ რაიონში ეს ყველაზე მასშტაბური პროექტებია.

მისივე განცხადებით, მომავალი წლის ბიუჯეტით, ასევე განსაზღვრულია სხვადასხვა სოციალური პროგრამების დაფინანსება და ბინათმესაკუთრეთა ამხანაგობების პროგრამის განვითარების ხელშეწყობა.

მოსახლეობასთან საუბრისას, გორგაძემ აღნიშნა, რომ ბიუჯეტში თანხები კულტურული და ახალგაზრდული პროექტებისთვისაც არის გამოყოფილი, ამასთანავე, რაიონში დაგეგმილია გამწვანების ღონისძიებებიც.

ალექსანდრე თვალჭრელიძე - „ქართული ოცნების“ ეკონომიკური პროგრამა გაცილებით უფრო მოკრძალებული, მაგრამ, ამავდროულად, გაცილებით უფრო რეალისტურია
გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ქართული პრესის მიმოხილვა 17.09.2020
რან გიდორი - სწრაფვა მშვიდობისკენ კორონავირუსის დასამარცხებლად