ისრაელის ტრანსპორტისა და დაზვერვის მინისტრის ისრაელ კაცის განცხადებით, იერუსალიმში გოდების კედლის მახლობლად მდებარე ახალი რკინიგზის სადგური აშშ-ის პრეზიდენტის დონალდ ტრამპის სახელი მიენიჭება.

„გოდების კედელი ყველაზე წმინდა ადგილია ებრაელი ხალხისთვის. ამიტომაც, გადაწყვეტილება მივიღე, რკინიგზის სადგურს, რომელიც ამ ადგილამდე მიდის, დონალდ ტრამპის სახელი მივანიჭო მას შემდეგ, რაც მან მამაცური და ისტორიული გადაწყვეტილება მიიღო იერუსალიმის ისრაელის დედაქალაქად აღიარების თაობაზე“, - განაცხადა ისრაელ კაცმა.

ისრაელის ტრანსპორტისა და დაზვერვის მინისტრმა უკვე დაამტკიცა საორგანიზაციო კომიტეტის რეკომენდაციები რკინიგზის სადგურის მშენებლობის პროექტზე, რომელიც გოდების კედელის მახლობლად განთავსდება.

საბოლოო პროექტი 52 მეტრის სიღრმეზე მიწისქვეშა გვირაბის მშენებლობას ითვალისწინებს, რომელშიც ორი სადგური იქნება განლაგებული. ერთ-ერთ სადგურს მიენიჭება სახელი „დონალდ ჯონ ტრამპი, გოდების კედელი“.