ზაზა ხატიაშვილმა საქართველოს ადვოკატთა ასოციაციის თავმჯდომარის უფლებამოსილება დავით ასათიანს ოფიციალურად გადააბარა.

ადვოკატთა ასოციაციის უკვე ყოფილმა თავმჯდომარემ, ასათიანს წარმატებები უსურვა და აღნიშნა, რომ ადვოკატებმა მნიშვნელოვანი არჩევანი გააკეთეს.

„ძალიან მნიშვნელოვანი არჩევნები ჩატარდა და მნიშვნელოვანი არჩევანი გააკეთა ადვოკატთა ასოციაციამ, როცა მხარი დაუჭირა ადვოკატთა ასოციაციის უფრო განვითარებას. მე ადამიანის უფლებათა დამცველი ვარ, გავაგრძელებ საადვოკატო საქმიანობას“, - განაცხადა ზაზა ხატიაშვილმა.

თავის მხრივ, დავით ასაიანის განცხადებით, მისთვის პრიორიტეტი განათლებისა და ეთიკის წახალისება იქნება.

„ჩვენ გავაძლიერებთ ასოციაციის დამოუკიდებლობისა და თვითმმართველობის კუთხით რეფორმებს. ჩვენ თვისობრივად ახალ, ხარისხობრივ ეტაპზე ავიყვანთ ადვოკატთა ასოციაციას, მთლიანად ადვოკატთა კრპუსს, თავისი განმსჭვალულობით, ტრენინგებით, ეთიკური სტანდარტების თვალსაზრისით“, - აღნიშნა ასათიანმა.