აკაკი ზოიძე - ნარკოტიკების მომხმარებელი მოდაში აღარ არის, გახდა სოციალურად გარიყული ადამიანი

ნარკოტიკების მომხმარებელი მოდაში აღარ არის, გახდა სოციალურად გარიყული ადამიანი, - ამის შესახებ პარლამენტის ჯანმრთელობის დაცვისა და სოციალურ საკითხთა კომიტეტის თავმჯდომარე აკაკი ზოიძემ კომიტეტის სხდომაზე განაცხადა.

მისივე განცხადებით, ერთადერთი გამოსავალი, რაც სხვა ქვეყნების გამოციდილებამ აჩვენა, ჯანსაღი ცხოვრების წესის სრული სისტემის შექმნაა, რასაც დეკრიმინალიზაციაც ხელს უწყობს.

„ჩვენ ერთი ლარი არ ჩაგვიდია პრევენციაში. რეალურ განათლებაში და პროპაგანდაში, რომელიც ბაღიდანვე იწყება და სკოლაში გრძელდება. დღეს შეიძლება ხდებოდეს, რომ პატრული მივა სკოლაში და ეტყვის ბავშვს, ნარკოტიკებს თუ მოიხმარ, თორემ დაგიჭერთო. ეს არ არის პრევენცია, პრევენციაა ადამიანისთვის ინფორმაციის მიწოდება და მისი შეგნებული არჩევანისთვის მომზადება. შეგნებული არჩევანი უნდა იყოს ჯანსაღი ცხოვრების წესი და საკუთარი ფასეულობების რეალიზაცია. ეს არის ჩვენი მიმართულება, რომ ჯანსაღი ცხოვრების წესის სრული სისტემა შევქმნათ და ამ სისტემის შექმნას დეკრიმინალიზაცია ხელს შეუწყობს.

პირველი მიზანი ჩვენი ჯანსაღი ცხოვრების წესი და პრევენციაა, ხოლო თანმდევია ამ პროცესის დეკრიმინალიზაცია, რომ ჩვენ რეალურად შევძლოთ მივიტანოთ მკურნალობა იმ ადამიანამდე, ვისაც რეალურად სჭირდება, რომ ის სინათლეზე გამოვიყვანოთ; მივიტანოთ ინფორმაცია იმ ბავშვებამდე, რომლებიც დღეს შეუგნებლად, პროტესტის ნიშნად, მოდურობის, ცნობისმოყვარეობის, ან გართობის გამო აკეთებენ ძალიან მძიმე არჩევანს თავიანთი ცხოვრების შემდგომ გზასთან დაკავშირებით. დეკრიმინალიზაცია პრევენციით არის ერთადერთი გზა, რამაც გვაჩვენა, რომ პრობლემური ნარკოტიკების მომხმარებელთა რაოდენობა შემცირდა. ახალგაზრდები ნარკოტიკებს ნაკლებად მოიხმარენ, რადგან შეგნებულ გადაწყვეტილებებს იღებენ. ნარკოტიკების მომხმარებელი მოდაში აღარ არის, გახდა სოციალურად გარიყული ადამიანი, ეს არის მთავარი მომენტი“, - განაცხადა აკაკი ზოიძემ.

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 24.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა