ზვიად რატიანის მხრიდან ადმინისტრაციული სამართალდარღვევის საქმეზე თბილისის საქალაქო სასამართლო გადაწყვეტილებას 29 დეკემბერს, 14:00 საათზე გამოაცხადებს.
შესაბამისი გადაწყვეტილება მოსამართლე ქეთევან მინაშვილმა დღევანდელ პროცესზე მიიღო.
დღევანდელ პროცესზე შსს-მ წარმოადგინა ვიდეოჩანაწერები, სადაც რატიანის მხრიდან პოლიციელების მიმართ ისმის გინება და შეურაცხმყოფელი ფრაზები. აღნიშნულ ვიდეოჩანაწერებთან დაკავშირებით დაცვის მხარემ განაცხადა, რომ არ ასახავს სრულ ეპიზოდს და საქმეს არ უნდა დაერთოს მტკიცებულებად, თუმცა მოსამართლემ საპირისპირო გადაწყვეტილება მიიღო.
დღესვე დაიკითხნენ შსს-ს მიერ წარმოდგენილი მოწმეები, კერძოდ, სამი პოლიციელი და ორი თვითმხილველი.