საზოგადოებრივი მაუწყებლის პირველი არხი, ზვიად რატიანის საქმეზე შს სამინისტროს მიერ დღეს სასამართლო პროცესზე წარდგენილ ვიდეომასალას ავრცელებს. აღნიშნული მასალა სასამართომ სასამართლომ მტკიცებულებად მიიღო.
პირველი არხის ინფორმაციით, არხმა შსს-ს ვიდეომასალის მოწოდების თხოვნით მას შემდეგ მიმართა, რაც სასამართლოს სხდომათა დარბაზში მტკიცებულებად წარდგენილი ვიდეოს ნახვა ჟურნალისტებმა ვერ შეძლეს.
როგორც ცნობილია, აღნიშნულ ჩანაწერში ზვიად რატიანის მხრიდან პოლიციელების მიმართ გინება და შეურაცხმყოფელი სიტყვები ისმის, პოლიციელები კი პოეტს დამშვიდებისა და გინების შეწყვეტისკენ მოუწოდებენ. ჩანაწერს რატიანის დაცვის მხარე და მოსამართლე ერთობლივად, პორტატულ კომპიუტერში ეცნობიან.
შსს-ს წარმომადგენლებმა ასევე წარმოადგინეს „რატიანის განყოფილებაში ყოფნის უწყვეტი ერთსაათიანი ვიდეომასალა“, რომელიც მათივე ინფორმაციით, მობილურითაა გადაღებული.
რატიანის დაცვის მხარე მოითხოვს, რომ მობილურით გადაღებული აღნიშნული ვიდეოჩანაწერი საქმეს მტკიცებულებად არ დაერთოს, რადგან, მისი შეფასებით, ის სრულად არ ასახავს დაკავების მომენტს. ადვოკატის თქმით, შსს-ს უნდა წარმოედგინა სამხრე კამერების ჩანაწერი, რომელშიც ასახული იქნებოდა როგორც რატიანის გაჩერების, ისე დაკავების მომენტი.
შსს-ს ვიდეოკადრები, რომელიც ზვიად რატიანის საქმეზე სასამართლოში წარმოადგინეს