პანკისის ხეობაში სპეცოპერაციის დროს დაჭრილი ახალგაზრდის მდგომარეობა მძიმე რჩება

პანკისის ხეობაში სპეცოპერაციის დროს დაჭრილი 19 წლის ახალგაზრდის მდგომარეობა მძიმე რჩება. მას გუშინ სამსაათიანი ნეიროქირურგიული ოპერაცია თელავის რეფერალურ საავადმყოფოში ჩაუტარდა.

როგორც "ინტერპრესნიუსს" საავადმყოფოს დირექტორმა ხათუნა ჭონიაშვილმა განუცხადა, თემირლან მაჩალიკაშვილი ღრმა კომატოზურ მდგომარეობაშია და ოპერაციის შემდგომი მკურნალობა რეანიმაციულ განყოფილებაში უტარდება. მისივე თქმით, პაციენტი მართვით სუნთქვაზეა და მისი ჯანმრთელობის პროგნოზირება რთულია.

თემირლან მაჩალიკაშვილს სპეცოპერაციის დროს ქალა-ტვინის გამჭოლი ჭრილობა აქვს მიყენებული. სახელმწიფო უსაფრთხების სამსახური მას ტერორზმის ხელშეწყობაში ედავება.