კიევმა და თვითაღიარებულმა რესპუბლიკებმა ტყვეები გაცვალეს

დონეცკის ოლქში, კიევსა და თვითგამოცხადებულ დონეცკის და ლუგანსკის ე.წ. სახალხო რესპუბლიკების წარმომადგენლებს შორის, ბოლო წელიწადნახევრის შემდეგ, ტყვეთა გაცვლა მოხდა.

თვითაღიარებულ რესპუბლიკებს კიევმა 74 ადამიანის სანაცვლოდ, 306 დაკავებული გადასცა. ამის შესახებ „ბი-ბი-სი“ იუწყება. „გაცვლის პროცესი დასრულდა. უკრაინის მხარეს 74 მძევალი გადაეცა, რომლებიც დონბასის ოკუპირებულ ტერიტორიაზე იმყოფებოდნენ. ისინი სახლებში დაბრუნდნენ“, - განაცხადა რადაში პრეზიდენტის წარმომადგენელმა ირინა ლუცენკომ.

უკრაინის უსაფრთხოების სამსახურის მეთაურის, ვასილი გრიცაკის ინფორმაციით, მთლიანობაში დონეცკში, ლუგანსკსა და რუსეთის ფედერაციაში მძევლად კვლავ რჩება 103 ადამიანი. მისი განცხადებით, ეს ადამიანები უკვე სამი წელია ტყვეობაში არიან.

„თითოეული ამ ადამიანის სახელები ვიცით. არ გავჩერდებით, ვიდრე ყველას არ გავათავისუფლებთ! ჩვენთვის პრიორიტეტულია, ასევე, 402 უგზო-უკვლოდ დაკარგული ადამიანის მოძიება და მათი დაბრუნება“, - განაცხადა გრიცაკმა.

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 24.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა