თურქეთი ნატოს წევრი პირველი ქვეყანაა, რომელიც რუსეთისგან 2,5 მილიარდი დოლარის ღირებულების ოთხ „С-400“-ის ტიპის ჰაერსაწინააღმდეგო თავდაცვის საზენიტო სარაკეტო სისტემას შეიძენს. ამის შესახებ სახელმწიფო კორპორაცია „როსტეხის“ გენერალურმა დირექტორმა სერგეი ჩემეზოვმა განაცხადა.
„თურქეთისთვის სისტემის მიწოდება 2020 წლისთვის მოხდება. თურქეთისა და რუსეთის ფინანსთა სამინისტროებმა უკვე დაასრულეს მოლაპარაკებები, დარჩენილია საფინალო დოკუმენტები“, - აღნიშნა ჩემეზოვმა.
12 სექტემბერს თურქეთის პრეზიდენტმა რეჯებ თაიპ ერდოღანმა განაცხადა, რომ ანკარამ მოსკოვთან გააფორმა შეთანხმება აღნიშნული საზენიტო სარაკეტო დანადგარის შესაძენად, რისთვისაც წინასწარ ბე-ს სახით თანხაც გადაიხადა.