ახალგაზრდებში სამხედრო სამსახურის მოტივაციის ასამაღლებლად სკოლებში სამხედრო პირების მიერ ლექციების ჩატარება იგეგმება

სამხედრო სამსახურში მოტივაციის ამაღლების მიზნით, 2018 წლიდან სკოლებში სამხედრო პირების მიერ ღია ლექციების ჩატარება და ერთობლივი სახელმძღვანელოს შექმნა იგეგმება. ამის შესახებ „პალიტრანიუსის“ გადაცემაში „360 გრადუსი“ თავდაცვის მინისტრმა, ლევან იზორიამ განაცხადა.

მისი თქმით, ამ კუთხით არსებული პრობლემა გლობალურია, რომელიც უწყებათაშორის კოორდინირებულ მუშაობას საჭიროებს. „გლობალური პრობლემაა, რომ მოქალაქეს ჰქონდეს გაცნობიერებული ის ვალდებულება, რაც თავისი ქვეყნის წინაშე აქვს და ეს არ არის მხოლოდ თავდაცვის სამინისტროს პრობლემა. ეს დამოკიდებულია არა მხოლოდ სამხედრო თვალსაზრისით განათლების მიღებაზე, არამედ განათლების სისტემაზე, სკოლის ასაკში ამ მოტივაციის შექმნაზე. ესეც ტოტალური თავდაცვის კონცეფციის მნიშვნელოვანი კომპონენტია, რომელიც ასევე გულისხმობს უწყებათაშორისი თანამშრომლობის მაღალ ხარისხს. განსაკუთრებით კი განათლების სამინისტროსთან თანამშრომლობისა. ჩვენ უკვე კონკრეტული გეგმები გვაქვს, როგორც საერთო სახელმძღვანელოსი, ისე ლექციების და სამხედროების მისვლის თვალსაზრისით სკოლებში, რათა მეტი მოტივაცია და მეტი ინტერაქციის ხარისხი იყოს“, - აღნიშნა ლევან იზორიამ.

გია ხუხაშვილი - ხელისუფლების დღის წესრიგი მორგებულია არჩევნებს, სამწუხაროდ, არ ფიქრობს ეკონომიკაში სისტემური ცვლილებების განხორციელებაზე და თვითგადარჩენის რეჟიმზეა გადასული
ქართული პრესის მიმოხილვა 28.05.2020
ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
სამედიცინო სერვისებზე მნიშვნელოვანი შეღავათების გაცემა დაიწყო
2 წლის შედეგებით Domenebi.ge უმსხვილესი დამოუკიდებელი რეგისტრატორია
ფინკა ბანკი - ძლიერი ფინანსური მაჩვენებლები და საერთაშორისო პარტნიორები ახალი გამოწვევების საპასუხოდ