თბილისის საქალაქო სასამართლოში პანკისის ხეობაში დაკავებული პირებისთვის აღკვეთის ღონისძიების შეფარდების საკითხზე სასამართლო პროცესი ჩაინიშნა. საქმეები სასამართლოში გაიყო. კერძოდ სასამართლო სამი ბრალდებულის მიმართ აღკვეთის ღონისძიების შეფარდებაზე 14:00 საათზე, ერთი ბრალდებულის მიმართ აღკვეთის ღონისძიების გამოყენებაზე კი მოსამართლე 13:00 საათზე იმსჯელებს. სასამართლო პროცესები დახურულ რეჟიმში წარიმართება.
ცნობილია, რომ პროკურატურა ტერორიზმის დაფინანსებაში, ტერორისტული საქმიანობის სხვაგვარი მატერიალური მხარდაჭერასა ან რესურსით უზრუნველყოფაში ბრალდებულების მიმართ აღკვეთის ღონისძიების სახით შეფარდებას მოითხოვს.
სუს-მა 26 დეკემბერს 5 პირი დააკავა, აქედან 4 პანკისში, ერთი კი - თბილისში. ყველა მათგანს თბილისში, ბერი გაბრიელ სალოსის გამზირზე ჩატარებული სპეცოპერაციისას განეიტრალებულ პირებთან კავშირი და მათი დახმარება ედება ბრალად. პანკისში ჩატარებული სპეცოპერაციის დროს ერთი პირი დაიჭრა.