ხატია დეკანოიძე - მერაბიშვილი, ახალაია და სხვა პოლიტპატიმრები ციხეში იმის გამო სხედან, რომ საქართველოს მესამე პრეზიდენტზე ჩვენება არ მისცეს

დემოკრატიული ფუნდამენტის რღვევას წარმოაჩენს ორი ძირითადი ნიშანი - ეს არის ქვეყანაში პოლიტპატიმრების ყოლა, არაფორმალური მმართველობა და არაფორმალური მმართველობის და მმართველის გამო ადამიანის ციხეში ყოფნა, - ასე ეხმაურება ”ნაციონალური მოძრაობის” ერთ-ერთი ლიდერი ხატია დეკანოიძე საქართველოს ყოფილი პრემიერის, ვანო მერაბიშვილის მიმართ ვადაზე ადრე გათავისუფლებასთან დაკავშირებით უარის თქმას. მისი თქმით, ეს არის დასტური, რომ მერაბიშვილის პატიმრობა არის ერთი ადამიანის გადაწყვეტილება და ერთი ადამიანის ნება.

”დემოკრატიული ფუნდამენტის რღვევას წარმოაჩენს ორი ძირითადი ნიშანი - ეს არის ქვეყანაში პოლიტპატიმრების ყოლა, არაფორმალური მმართველობა და არაფორმალური მმართველობის და მმართველის გამო ადამიანის ციხეში ყოფნა. ყველა დარწმუნებული ვართ, რომ მერაბიშვილი, ახალაია და სხვა პოლიტპატიმრები ციხეში სხედან იმის გამო, რომ ასე სურს ივანიშვილს და რადგან მათ ჩვენება არ მისცეს საქართველოს მესამე პრეზიდენტზე. ჩვენ ყველას გვახსოვს სტრასბურგის გადაწყვეტილება, როდესაც სტრასბურგმა, ყველაზე მაღალმა ინსტანციამ თქვა და მოუწოდა საქართველოს ხელისუფლებას გათავისუფლებულიყო, თუმცა ასე არ მოხდა. ეს არის დასტური, რომ მერაბიშვილის პატიმრობა არის ერთი ადამიანის გადაწყვეტილება და ერთი ადამიანის ნება”, - განაცხადა დეკანოიძემ.

როგორც ცნობილია, ვანო მერაბიშვილს პირობით ვადამდე გათავისუფლებაზე უარი ეთქვა.

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 24.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა