ვაკეში მცხოვრებ ერთ-ერთ ოჯახს თავს დაესხნენ. შემთხვევა მარუხის ქუჩაზე მოხდა. არსებული ინფორმაციით, დამნაშავეებმა ფული წაიღეს. დაყაჩაღების დროს ოჯახის წევრები სახლში იმყოფებოდნენ.
როგორც ”ინტერპრესნიუსს” შინაგან საქმეთა სამინისტროში განუცხადეს, მომხდარზე გამოძიება სსკ-ის 179-ე და 236-ე მუხლებით მიმდინარეობს, რაც ყაჩაღობას და იარაღის უკანონო ტარებას გულისხმობს. დანაშაული 8-დან 12 წლამდე პატიმრობას ითვალისწინებს.
მიმდინარეობს საგამოძიებო მოქმედებები.