საქართველოს ზოგიერთ რაიონში ჰაერის ტემპერატურა 20 გრადუსამდე აიწევს

სინოპტიკოსები დეკემბრის ბოლომდე საქართველოში მზიან ამინდს პროგნოზირებენ. როგორც ”ინტერპრესნიუსს” გარემოს ეროვნული სააგენტოს მოკლევადიანი პროგნოზების სამმართველოს უფროსმა დოდო გვაზავამ განუცხადა, როგორც აღმოსავლეთ, ისე დასავლეთ საქართველოში ძირითადად უნალექო ამინდია მოსალოდნელი.

რაც შეეხება პირველ იანვარს, სინოპტიკოსები თბილისში მცირე წვიმას პროგნოზირებენ.

”უახლოეს დღეებში 28, 29 და 30 დეკემბერს საქართველოში მოსალოდნელია უმეტესად უნალექო ამინდი.

ჰაერის მაქსიმალური ტემპერატურა დასავლეთ საქართველოს დაბლობში მოსალოდნელია 15-20 გრადუსის ფარგლებში, დასავლეთ საქართველოს მთიან რეგიონებში 8-13 გრადუსი და მაღალ მთაში 3-8 გრადუსი სითბო.

რაც შეეხება აღმოსავლეთ საქართველოს, ჰაერის ტემპერატურა 10-15 გრადუსის ფარგლებშია მოსალოდნელი, შესაძლებელია ზოგიერთ რაიონში 18 გრადუსამდეც აიწიოს ტემპერატურამ“, - განაცხადა დოდო გვაზავამ.

მისივე ინფორმაციით, 29-30 დეკემბერს ღამით ყინვა მხოლოდ შიდა ქართლშია მოსალოდნელი.

”შიდა ქართლში მოსალოდნელია ყინვა -4 გრადუსი. 31 დეკემბერს კი შედარებით შერბილდება და დათბება”, -განაცხადა დოდო გვაზავამ.

ალექსანდრე თვალჭრელიძე - „ქართული ოცნების“ ეკონომიკური პროგრამა გაცილებით უფრო მოკრძალებული, მაგრამ, ამავდროულად, გაცილებით უფრო რეალისტურია
გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ქართული პრესის მიმოხილვა 17.09.2020
რან გიდორი - სწრაფვა მშვიდობისკენ კორონავირუსის დასამარცხებლად
"მემარცხენე ალიანსის" ლიდერი კახა ძაგანია - "ვხსნით ჩვენს პარტიას რეგისტრაციიდან და ვუერთდებით "პატრიოტთა ალიანსს"
ირმა ინაშვილი - ჩვენთან მიმართებაში გამოცხადებულია საინფორმაციო ბლოკადა
წინანდლის მამული რიგით მეორე მუსიკალურ ფესტივალს მასპინძლობს
წინანდლის მუზეუმს შარლ დე გოლის წერილები გადაეცა