პანკისის ხეობაში სპეცოპერაციის დროს დაჭრილი 19 წლის ახალგაზრდა, შესაძლოა, თბილისში გადმოიყვანონ. როგორც "ინტერპრესნიუსისთვის" გახდა ცნობილი, თემირლან მაჩალიკაშვილის დედაქალაქში გადაყვანის საკითხი დღის ბოლომდე გადაწყდება, რადგან თელავის რეფერალურ საავდმყოფოში მედიკოსებს ელოდებიან, რის შემდეგაც შეფასდება პაციენტის მდგომარეობა და გადაწყდება, მოხდება თუ არა მისი თბილისში გადმოყვანა.

თემირლან მაჩალიკაშვილს თელავის რეფერალურ საადმყოფოში ნეიროქირურგიული ოპერაცია ჩაუტარდა და მესამე დღეა მართვით სუნთქვაზე, რეანიმაციულ განყოფილებაშია მოთავსებული. მას ქალა - ტვინის გამჭოლი ჭრილობა აქვს.