ზუგდიდის მერია ქუთაისის სააპელაციო სასამართლოს მიერ რვა საჯარო მოხელის გათავისუფლების აქტის ბათილად ცნობასთან დაკავშირებულ გადაწყვეტილებას გაასაჩივრებს.

„მერმა ლაშა გოგიამ უკვე მიიღო სააპელაციო სასამართლოს გადაწყვეტილება, რაც აუცილებლად გასაჩივრდება უზენაეს სასამართლოში. დაველოდოთ შედეგს”, - აცხადებენ მერიაში.

ქუთაისის სააპელაციო სასამართლომ ზუგდიდის გამგეობიდან 2016 წელს რვა საჯარო მოხელის გათავისუფლების შესახებ აქტი ბათილად ცნო. ზუგდიდის მერიის ყოფილი თანამშრომლების ინტერესებს საქართველოს ახალგაზრდა იურისტთა ასოციაცია იცავდა.