ფოთის საკრებულოს სხდომაზე მიწის ნაკვეთის გასხვისების საკითხის განხილვას ხმაური და დაპირისპირება მოყვა

დღეს ფოთის საკრებულოს სხდომაზე ხმაური იყო. დაპირისპირება და სიტყვიერი შელაპარაკება ქალაქის ცენტრში მიწის ნაკვეთის გასხვისების საკითხის განხილვას მოყვა. საუბარია 9 აპრილის ხეივანში მდებარე 10807. 00 კვ. მ. არასასოფლო-სამეურნეო დანიშნულების მიწის ნაკვეთზე.

ოპოზიციური პარტიის წარმომადგენლებმა, აღმასრულებელი ხელისუფლებისგან განმარტების გაკეთება მოითხოვეს. თუ რა მიზნით გადაეცემა კონკრეტული ადგილი სახელმწიფოს.

„მოვითხოვთ პატივი სცენ თვითმმართველობას და საქმის კურსში ჩააყენონ საკრებულოს წევრები თუ რას გეგმავენ, იქნებ ქალაქის შუაგულში თევზის ქარხანა აგვიშენონ?“- განაცხადა საკრებულოს წევრმა ,,ნაციონალური მოძრაობიდან“ დათო ხომერიკმა .

საკრებულოს თავმჯდომაე ირაკლი კაკულია დარწმუნებულია, რომ ეკონომიკის სამინისტრო ქალაქის და სახელმწიფოს ინტერესებს დაიცავს.

საბოლოოდ, ოპოზიციის წევრებმა სხდომათა დარბაზი პროტესტის ნიშნად დატოვეს. საკითხი კი, ხმათა უმრავლესობით დამტკიცდა.