აფხაზურმა მხარემ კიდევ ერთი ქართველი, მანუჩარ წვიშბაია გაათავისუფლა. მისი გათავისუფლების შესახებ ინფორმაცია „ინტერპრესნიუსს“ სახელმწიფო უსაფრთხოების სამსახურში დაუდასტურეს.
წვიშბაია მიმდინარე წელს აფხაზეთის ე.წ საზღვრის უკანონო გადაკვეთისთვის დააკავეს. ინციდენტების პრევენციისა და მათზე რეაგირების მექანიზმის სამუშაო შეხვედრაზე ქართულმა მხარემ მისი გათავისუფლების შესახებ საკითხი არაერთხელ დააყენა.
რამდენიმე დღის წინ დრანდის ციხიდან, თითქმის შვიდწლიანი პატიმრობის შემდეგ, გიორგი ლუკავაც გათავისუფლდა. მას 20 წლით თავისუფლების აღკვეთა ჰონდა მისჯილი.