არსებული ინფორმაციით, შს მინისტრი ზვიად რატიანის საქმეზე მწერლებს ხვდება

არსებული ინფორმაციით, შინაგან საქმეთა მინისტრი გიორგი გახარია კულტურის სამინისტროში მწერლებს ხვდება. კულტურის სამინისტროში იმყოფება პოეტ ზვიად რატიანის მეუღლეც.

უწყებაში გახარიას მისვლას ოფიციალურად არ ადასტურებენ, თუმცა, გავრცელებულ ინფორმაციით, ის სამინისტროში ცოტა ხნის წინ მივიდა და მწერლებთან შეხვედრას პოეტ ზვიად რატიანის საქმეზე მართავს.

პარალელურად კულტურის სამინისტროში ფრანკფურტის წიგნის ბაზრობის საკითხზე მინისტრი მიხეილ გიორგაძე გამომცემლებსა და მთარგმნელებს ხვდება. შეხვედრა 17:00 საათზე დაიწყო.