კულტურის სამინისტროში, სადაც გუშინ მინისტრი მიხეილ გიორგაძე მწერლებს, გამომცემლებსა და მთარგმნელებს ხვდებოდა, მწერალი დათო ტურაშვილი შეუძლოდ გახდა, რის გამოც სასწრაფო დახმარების გამოძახება გახდა საჭირო.
მწერალი სიტყვით უნდა გამოსულიყო, თუმცა, მოულოდნელად ცუდად გახდა და სიტყვის თქმა ვერ შეძლო. მას მედიკოსებმა დახმარება ადგილზე აღმოუჩინეს. თუმცა მოგვიანებით ის დამატებითი გამოკვლევების ჩასატარებლად „ნიუ ჰოსპიტალში“ გადაიყვანეს. აჟამად მისი მდგომარეობა დამაკმაყოფილებელია.
კულტურის სამინისტროში შეხვედრა ფრანკფურტის წიგნის ბაზრობის საკითხზე იმართებოდა. თუმცა, მოგვიანებით მას შინაგან საქმეთა მინისტრი გიორგი გახარია შეუერთდა და საუბარი პოეტ ზვიად რატიანის საქმის განხილვით გაგრძელდა.