პროკურორის განმარტებით, იყო თუ არა ზურაბ მაჩალიკაშვილის საცხოვრებელ სახლში ხელყუმბარა აღმოჩენილი, გამოძიების მსვლელობის ფარგლებში გაირკვევა, რომელიც საქმიდან დამოუკიდებლად მიმდინარეობს.

როგორც პროკურორმა ელიზბარ გოზალიშვილმა განაცხადა, ამ დროისთვის ზურაბ მაჩალიკაშვილს ბრალი არ აქვს წარდგენილი და მისი დაკავება სასამართლოს განჩინების საფუძველზე უნდა მომხდარიყო. შესაბამისად, პროკურორი განმარტავს, რომ პროკურატურას მაჩალიკაშვილისთვის ბრალის წარსადგენად 48 საათიანი ვადის დაცვის ვალდებულება არ გააჩნია.

”ზურაბ მაჩალიკაშვილი ამ ეტაპზე დაკავებული არ არის. ის იმყოფება სამედიცინო დაწესებულებაში და ველოდებით, როგორ განვითარდება ამ მიმართულებით შესაბამისი მოქმედებები, თუმცა, ის არ არის ბრალდებულის სტატუსით დაკავებული და არანაირი 48 საათიანი ვადის დაცვის ვალდებულება არ გვაქვს. მაჩალიკაშვილის დაკავება სასამართლოს განჩინებით უნდა მომხდარიყო. თუმცა, განვითარებული მოვლენებიდან გამომდინარე ვერ მოხდა მისი დაკავება”, - განაცხადა ელიზბარ გოზალიშვილმა.