საფრანგეთის შიდა უსაფრთხოების მთავარი სამმართველოს თანამშრომლებმა ტერორისტული აქტების მომზადებაში ორი ეჭვმიტანილი დააკავეს. ამის შესახებ ტელეარხი BFMTV იუწყება.

ტელეარხის ინფორმაციით, ლიონში დააკავეს 21 წლის მამაკაცი და პარიზში დააკავეს 19 წლის ქალი.

დაკავებულები ერთმანეთს არ იცნობდნენ, მაგრამ სოციალური ქსელის მეშვეობით „ისლამური სახელმწიფოს“ მებრძოლებთან კონტაქტობდნენ და ტერაქტების მოწყობას გეგმავდნენ.

ჩატარებული ჩხრეკისას ეჭვმიტანილებს იარაღი ან ასაფეთქებელი ნივთიერებები არ აღმოაჩნდათ.